Æðislegir menn

Nokkur vel valin myndbönd:

Það fyndnasta sorglegasta við þetta er að húmorinn þeirra er alltaf byggður á staðreyndum.

Jól

Nú eru jól.

Gleðileg jól!

Í tilefni jóla ætla ég að upplýsa hvaðan nafnið á þessu bloggi kemur.

Eitthvað í kringum árið 2003 stofnaði Ólafur Josephsson eins manns hljómsveitina "Stafrænn Hákon".

Árið 2003 kom út platan "Prjónar Húmmus".

Á plötunni "Prjónar Húmmus" er lagið "Kæfusafi".

Nú blæs hann!

Um klukkan 08:00 í morgun, í tilefni af veðri ákvað ég að hætta mér út á svalir heima hjá mér, en það er á 4ðu hæð í Fellsmúla 5 (efst á hæðinni hér fyrir ofan Grensásveginn) til þess að prófa vindhraðamælinn sem ég smíðaði í sumar, þrátt fyrir að allar rúður á íbúðinni bunguðu og svignuðu vegna vinds.

Smellti mynd af fyrirbærinu með símanum mínum, en þar sem ég þurfti að ríghalda mér til að fljúga ekki fram af svölunum var hún ekki góð.

Eftir 10-15 mínútur hætti ég að fá mælingar frá græjunni, kíkti út um gluggann og sá að vindskeiðarnar voru horfnar af stönginni sem þær snerust um!!

Skoðaði síðustu mælingar sem ég tækið fékk og hljóðuðu þær upp á að skeiðarnar voru innan við 0.5 millisekúndur að ferðast 20° úr hring (upplausnin á tækinu mínu er upp á 0.5 millisekúndur og sýndu mælingarnar því 0 millisekúndur). Hefði verið gaman að vera búinn að kvarða tækið vel og fá að vita hvað það eru margir sekúndumetrar.

Þannig fór um sjóferð þá!

Vinnuaðstæður

Margir kvarta undan vinnunni sinni.

Fólk vælir yfir laununum sínum.

Maturinn í hádeginu er ekki nógu góður.

Skrifborðsstóllinn mætti vera betri.

En á meðan yfirmenn okkar neyða okkur ekki til að vera í einhverri FÁRÁNLEGRI múnderingu sem hefur engan annan tilgang en að niðurlægja okkur, þjónar allavega engum tilgangi sem öryggistæki sbr. öryggishjálma á vinnusvæðum, höfum við EKKI efni á neinu væli!

Þessar ungu dömur fá líklega ekkert af þessu. Efast um að stórar summur bíði þeirra í lok mánaðarins, enginn er skrifborðsstóllinn, bara einn kollur og hádegismaturinn samanstendur líklega af sykruðu sælgæti eða bakkelsi og gosi.

Svona er umhorfs á Íslandi í dag (í útlenskum leikfangaverslunum).

Að sigra tunglið

Mig langar að taka þátt í að sigra tunglið.

Mig langar taka þátt í að smíða og forrita róbóta sem kemur til með að keyra á tunglinu.

Hefur einhver eitthvað við það að athuga?

Með hverjum?
Þessir koma sterklega til greina sem transport platform, en það yrði líklega að forma hóp sérstaklega um róbótann.

Takmarkið er að vinna X Prize verðlaunin, nánar tiltekið Google Lunar X Prize.

Þarna yrði ævilangur draumur að veruleika.

Aðgerðaleysi

Einhvernvegin finnst mér eins og það gerist ekkert voðalega mikið hjá mér í vinnunni, né reyndar heima.

Ég er búinn að vinna í sömu verkefnunum í vinnunni í marga mánuði og eru enganvegin að klárast.

Hinsvegar er ég búinn að mála stofuna og ganginn í íbúðinni! Sem er mjög gott. Þá er þetta líklega orðið meira en hálfnað.

Hef verið að stúdera launakerfi ÍSOR undanfarið þar sem ég er nú bæði trúnaðarmaður og sit í Samstarfsnefnd um stofnanasamning. Gaman að skoða (tölfræðilega) fylgni milli mismunandi þátta. Það á eiginlega við um öll gagnasett.

Fylgni er nefnilega mjög skemmtilegt fyrirbæri. Ákaflega margir ganga út frá því að fylgni milli mismunandi þátta sé skýr sönnun fyrir tengslum þeirra á milli og að af henni megi draga raunhæfar niðurstöður. Er fækkun sjóræningja raunveruleg ástæða hækkandi hitastigs á jörðinni? Maður skal aldrei einblína um of á gögnin, þó þau séu kannski ekki "ósönn".

Ég fékk nemanda í dag. Hann er frá einhverju afríkulandi, svartur eins og nóttin. Ég á að kenna honum að forrita í C. Það verður vonandi gaman. Hann var að ljúka námi frá Jarðhitaskóla háskóla Sameinuðu þjóðanna og þarf að komast af stað í forritun áður en hann fer aftur heim.

Otis var maðurinn

Otis Redding var maður mikils ballar, eða allavega bar tónlistin hans merki um það.

Flutningur Black Crowes á Hard to handle er eiginlega eins og píkuskrækir við hliðina á þeim gamla.

Ég legg til að við dönsum.